عدد الرسائل : 26 العمر : 38 تاريخ التسجيل : 13/02/2010
موضوع: للاستفسار عن أى حاجه فى الفوتوشوب السبت 13 فبراير 2010 - 16:14
اولا احب اشكر سيد ذا روك على موافقته بعمل اقسام للفوتوشوب , لانى لاحظة ان فى ناس كتير متابعه الموضوع ونفسها تتعلم
وفى الموضوع ده إن شاء الله اللى عنده أى استفسار أو سؤال عن اى حاجه فى مجال الفوتوشوب او الجرافيك , انا موجود وان شا ءالله هتابع معاكم على طول , وربنا يقدرنى واقدر افيدكو على قد المستطاع
بس الاول لازم نعرف الفوتوشوب بيعمل ايه غير تعديل الصور - ممكن نصمم بيه مواقع انترنت -ممكن نعمل به صور متحركه بس بمساعدة برنامج تانى بينزل معاه اسمه اميج ريدى -ممكن نستخدمه فى الرسوم الهندسيه مع الاوتوكاد -ممكن نستخدمه فى مجال الدعايه والاعلان , زى عمل كروت شخصيه
بس انا شغال فى مجال واحد بس وهوه تصميم صور فوتوجغرافيه فى معمل
طيب انا دولوقتى فكرت انى انزل شرح للفوتوشوب بس بصراحه محتار وعاوز رايكو هل انزل تعليم من على النت واشرح عليه زى باقى الناس ما بتعمل ولا اعمل شرح من عندى انا وهاخد صور من على جهازى واشرح عيها
وفى حاجه كمان طريقة الشرح :- هل اعمله زى اللى موجود على النت فى كل مكان يعنى ماشيين بنمط تقريبا واحد
ولا اشرح على طريقتى وباسلوبى من غير نمطيه واسلوب محدد
ياريت تردو عليا فى الموضوع ده عشان ابدا معاكو ان شاء الله فى القريب العاجل
وان شاء الله العضو :: The Missing Organ ::هيبدأ معاكم بردو شرح بس على فوتوشوب cs3 او v10 أما انا لانى شغال على طول على فوتوشوب 8 فانا هاشرح عليه بس , وعلى فكره الاختلافات بين الاصدارات مش كبيره قوى
اما بالنسبه لباقى الاقسام يا جماعه
قسم للصور والتصميمات :-ده هانعرض فيه اى صور هانصممها ,وانا هاطلب منكو بعد كل كام درس انكو تعملو حاجه معينه وترفعوها فى موضوع تبعا للدرس وبرده هارفع فيه اى صور مساعده فى التصميمات زى البراويز والفريمات وغيره
قسم اضافات الفوتوشوب:-القسم ده بى هانضيف فيه اى حاجه متعلقه بالفوتوشوب , زى الفلاتر والفرش والاستايلات وغيره
الجمعة 28 يونيو 2013 - 1:54 من طرف admin
, لانى لاحظة ان فى ناس كتير متابعه الموضوع ونفسها تتعلم 
