هاكتب حزين الـــــــــــــجـــــــــر يــــح

كل الجراح ما تزيد ...كل العذاب ما هايكبر

ولما الغدر يكون ...والحب فينا يهون

لما الفراق يكوينا ...والألم مسكون

هاكتب حزين ...

لما الدموع تملانا ...لما الجراح تلاقنا

لما نكون مش ناس .... ولا حتى في احساس

لما يموت البشر ..

هاكتب حزين..

لما حبيبي يروح ... والقلب وحده يعيش

ألم ..عذاب ..وجروح ...والفرح يبقى مفيش

لما تهون أيامنا ....ولما تضيع أحلامنا

هاكتب حزين...

لما البكا يقتلنا ...ويودعنا الزمان

لما الخيانة تعيش.... ويموت فينا انسان

لما اكون مش انا ..ولا حد منكم هنا...والحب هان

كل اما اشوف في عيونكم ...مفيش حب وحنان

هاكتب حزين...

تبقى الحقيقة.... غايبة وبريئة

يبقى الخداع ..عايش معانا ..كل دقيقة

ولما الكلام ...تضيع منه ...معاني رقيقة

ولما آجي أسلم عليكم ..ملاقيش أيديكم

أبص في عنيكم... ملاقيش كلام

أقول بحب ..أسمع سكات ..مش ده حرام...؟

ساعتها بس ...هاكتب حزين...

لما الحبيبة تبيع...وحبيبها منها يضيع

وتعيش سعيدة ...وتشوف حياة جديدة

لما الخريف في حياتنا...بأدينا يقتل ربيع

لما الطيور تنتحر...من غير سبب هاتموت

والشمس بكرة تغيب ... ولا ناوية مرة تفوت

واما النجوم تنطفي ...وتبقى الحياة في سكوت

هاكتب حزين...

لما الجراح هاتسود ...نتمنى نفرح يوم

و نبص حولينا ...تلاقي ضباب وغيوم

أقف ...أقع ...مش قادر مرة أقوم

ولما الغلط يملانا ...وعلى حد تاني نلوم

تبقة الحياة مش هيه ....ألم ...جراح ...وهموم

لازم ساعتها نكتب حزين...

لما المعالم في الوشوش ...منا تغيب

وقلب عاشق...يعيش مخدوع ...ويا الحبيب

ولما خاين ...يضحك في وشك ...ويقول نصيب

ولما في يوم ...نسمع كلام ملوش معاني...كلام عجيب

نشوف الحقايق غايبة علينا ... والجميل يبقى غريب

يبى أكيد ...هاكتب حزين...

وانت يا صحبي ...اكتب حزين

وانتي كمان ...قولي حزين

وانتم يا ناس....

عايزين تعيشوا .....عيشوا حزين

خلص الكلام .... هاكتب حزين....